نوفيلا ليلى بقلم سولييه نصار
انت في الصفحة 5 من 5 صفحات
يعوض عليك ..
وانا قولت لا
خلاص يا علاء ردني وعيش اولادك نفس العيشة بتاعتك ولا اقولك خدهم وانا اتجوز ما دام مش عايز تقف معايا
امتي اتغيرتي كده يا ليلي عمرك ما كنتي طماعة ولا بتساومي
لان ليلي يا علاء بتعمل اي حاجة عشان الناس اللي بنحبهم زي ماكنت بشتغل وانا حامل عشانك وزي ما خدمت امك عشانك برضه
بعد ضغط كبير وافق يديني فلوس مشروع لمطعم صغير ...بيعت البيت القديم واخر سلسلة دهب كانت معايا وفضلت اصرف منه لحد ما قام المطعم علي رجليه ..
مرت سبع شهور
.مطعمي الصغير كبر وبقيت بتعامل مع شركات عشان اكل الموظفين واللي كان صدمة اني اتعاملت مع سلطان جوز اخت علاء واللي معاه شركة صغيرة ....اول مع شافني اټصدم وحاول بطريقة غريبة بس خليت تعاملنا في حدود الشغل لحد ما في يوم جاني
ليلي تتجوزيني
يتبع
نوفيلا ليلى ...
الجزء الاخير
بهت وانا ببصله ...للحظة شيطاني وزني اني اقبل قلب اخت علاء زي ما قلبي ...للحظة كان الاڼتقام مغري اووي ليا
اني ادوقهم من نفس الكاس اللي دوقته شيطاني كان بيوسوسلي بس فجأة افتكرت اولادي ...افتكرت اني مش فاضية انتقم اصلا ...انا كرست حياتي ليهم ...لتعليمهم واني افتخر بيهم ...غير اني انا مستحيل قلب واحدة تانية حتي لو كانت هي قلبي ...
بصتله وقولت
استاذ سلطان انت متجوز ومعاك اولاد بلاش تدمر حياتك غير اني مش انا اللي اخد واحد من مراته
ايوة يعني انت عايزني اعمل ايه
لا بس
مبسش يا استاذ ...انا من علاء وفوضت امري لله الحمدلله انا دلوقتي احسن
ضحك بتريقة وقال
بعد اللي اخدتيه ده كله
انا اخدت حقي وحق اولادي ..ده حق ورجعته وعلاء ربنا يسعده مع مراته
هيريح قلبك لو قولت ان بينهم مشاكل كتيرة ...حتي مراته الجديدة مش طايقة امه وبتعاملها بشكل مو حلو وقبل كده طردتها
ربنا يهديها ويصلح الأحوال بس مليش دعوة ولا شمتانة انا دلوقتي يهمني عيالي وبس وانت كمان معاك عيال بلاش تضيع حياتك وحياتهم بالشكل ده ...نورتنا يا استاذ سلطان ...
ايوة
ماشي
مشي وسابني ...قعد وانا ...مصډومة من نفسي انا رفضت رغم اللي عملوه بس رغم كده ربنا بيجيبلي حقي لحد عندي ..
وده احسن من الاڼتقام ...
مرت الايام والشهور واولادي بيبكبروا قدامي كنت مبسوطة اووي بيهم...حسيت اخيرا ان ربنا عوضني حسيت اني عملت الصح ...كانوا شاطرين اووي في الدراسة وخلوني فخورة ...
في يوم جه الخبر اللي صدمني ...اخت جوزي اټوفت لما اكتشفت ان جوزها اتجوز عليها ..
ازاي يعني هتروحي تعزيهم بعد اللي عملوه
ده واجب يا ضحي ..قلبي وجعني عليها وعلي اولادها ...قهرة القلب وحشة اووي
ربنا يرحمها انا مكنتش اتمني كده ...
روحت العزا ولقيت حماتي مش قادرة تمشي من الصدمة سلمت عليها فجأة بصتلي وقعدت تبكي ...كانت بتترجاني عشان اسامحها بعينيها ...طبطبت عليها والدموع في عينيا علي قد ما اذوني بس اللي حصل ده صعب ...صعب اووي لاي حد ....
اديت الواجب وخرجت من البيت قابلت علاء في وشي
البقاء لله يا علاء يجعلها اخر الاحزان
ربنا اخدلك حقك ...اختي الله يرحمها داقت نفس...وامي حالتها مطمنش وانا مش مبسوط مع مراتي لاني اكتشفت انها طماعة وممكن تسبني في اي وقت لو محققتش طلباتها ...
انا مش شمتانة فيكم بالعكس انا بدعيلكم ربنا يعدي ازمتكم علي خير ...انتوا كنتوا عيلتي في يوم من الأيام ...
انتي اصيلة يا ليلي اصيلة لدرجة اني مكسوف اطلب منك فرصة تانية
حاول تصلح حياتك مع مراتك وربنا يهديهالك اما اولادي فهم اولادك برضه تنور في اي وقت مش هعارض ..
سلام يا علاء
شفت الدموع في عينيه بس مشيت ..
كان نفسي اديله فرصة تانية بس انا فقدت الامان معاه ...مبقتش قادرة اديله حاجة تاني ...رغم انهم اتعاقبوا الا اني مكنتش فرحانة ابدا. ...الانسان احيانا بيكون غريب ممكن يتأذي من طوب الأرض بس يزعل لما هما ...وانا من النوع الاهبل ...بش علي الاقل لازم أشكر علاء لاني عملت الحياة اللي كنت دايما بحلم بيها
تمت
