نوفيلا ليلى بقلم سولييه نصار
شوية ودخلت وقعدت علي الانتريه براحة ...جات مراته وقالت
بتعمل ايه هنا
جاية ابارك ...صباحية مباركة يا عروسة
اطلعي يا ليلي ...اطلعي برة حياتي انا سيبتلك الشقة وهديكي نفقة عايزة ايه تاني
عايزاك تردني ..
هو عافية انا مبحبكيش
خلاص متردنيش... بس علي الاقل تديني حقي
يا ستي ما معاكي الشقة وهديكي نفقة وانا مكتبتش مؤخر فملكيش حق
انجزي عايزة ايه ...
عايزة الشقة ...شقة نضيفة لاولادك
انسي
يبقي تردني وأعيش معاكم هنا
انتي عبيطة
اول مرة اشوف راجل مش مبسوط ان مراته عايزة ترجعله وھتموت عليه
خدي الشقة يا ليلي وحلي عن سمايا
نعم يا عينيا مش قولت انك هتكتب الشقة دي بإسمي
حطيت ايدي علي بوقي بدهشة مصطنعة وقولت
يعني انتي اتجوزيه مقابل انه يكتبلك الشقة
اتوترت وقالت
لا طبعا لاني بحبه
خلاص يا عروسة ما دام بتحبيه مالك بالشقة اصل ممكن علاء يفهمك غلط ولا حاجة
بصلي علاء بغيظ وقال
بكرة اسجل الشقة بإسمك...حاجة تانية
بصتله بحزن وقولت
يا ربي عليي خلصيني يا ست ...
خلاص يا علاء مش هزعجك ...هستناك بكرة تسجل الشقة بإسمي ...
بصيت لمراته وقولت
مبروك عليكي علاء يا عروسة ده جوهرة
انا قولت هيطردك لما تقوليله علي طلبك
انا عارفة علاء كويس ضغط بسيط هيخليه يرضخ
بس مراته ممكن تلعب في عقله
لا متقلقيش انا شككته فيها
هتكتفي بالشقة يا ليلي
بصتلي ضحي بضحك وقالت
هي برضه اللي ...متوقعتش يطلع منك ده يا لولا
بصتلها بحزن وقولت
ولا انا كنت عايزة ابقي وحشة كده ...بس انا مستعدة اعمل كل حاجة عشان عيالي ...انا عايزاهم يعيشوا احسن من عيشتي ويتعلموا عايزة افتخر بيهم
...
ان شاء الله هتفتخري بيهم ...
يعني ايه تكتبلها الشقة يا علاء
لو معملتش كده علطول ودي لازقة خليها تغور
لا طبعا انت وعدتني
وانتي اتجوزتيني عشان اكتبلك الشقة !!
توترت مرة تانية ومردتش عليه ..
تاني يوم
بعد ما علاء كتبلي الشقة وقولتله علي طلبي التاني
نعم يا اختي ...ما تلمي نفسك يا ليلي ده انا كاتبلك شقة المهندسين لا بقولك ايه متبقيش طماعة
ما ابوهم موجود
ابوهم لو كان موجود مكانش يفكر يكتب شقة لمراته التانية وسايب عياله يعيشوا في خړاب ...
ايوة بس مشروع انك تفتحي مطعم ده مكلف انتي عايزة ربع فلوسي
يا سيدي اعتبرهم صدقة وربنا
