خاني زمان ورجع لقيته متقدملي القصة كاملة
طفت علي القهوه ووقفت نفس وقفته وقالت بسخرية: دا الكلام دا لإتنين بيحبو بعض وفيه ما بينهم وِد وتفاهم مش عايشين زي الأخوات مع بعض!
وأكملت ببرود: وأعتقد إن مفيش إخوات بينامو جمب بعض برضوا يا كل واحد علي سرير بس في أوضة واحده يا كل واحد في أوضة لوحدو ولا إيه يا بشمهندس
حطت القهوه في كوباية وقالت ببرود: القهوه أهيه
وسابته وخرجت من المطبخ وقعدت علي الكنبه وماسكه الريموت بتقلب في التي في
قرب فارس وقعد جمبها ونتش منها الريموت وبيقلب علي القناة وجاب الماتش..
بصتله سارة وقالت برفعة حاجب: مش قاعدة بتفرج أنا!
قامت بهدوء من جمبه ومشيت قال فارس بسخرية: ألاه رايحه فين
مردتش عليه وسابته ودخلت الأوضة ورنت علي مليكه تطلع ليها وتقول إنهم نازلين يجيبو حاجة..
وبالفعل طلعت مليكه وإتحايلت علي فارس واخدت سارة ونزلو وفارس كان قاعد في البيت متضايق جدًا وقعد النهارده من الشغل علشانها نفخ بضيق وجرس الباب رن..
إبتسم وإفتكرها هي بس لما فتح الباب الإبتسامة إتشالت وإتحل مكانها الصدمه..
▪︎ في كافيه المول ▪︎
مليكه بتساؤل: حبيتي تنزلي ليه ؟
سارة بعد ما شربت بوق من النيسكافيه: أخوكي قعد من الشغل النهارده وكان هيفضل يناكف أو يجر شكَلي وأنا مكنتش حابة كدة ف نزلت
سارة بإبتسامة ثقه: مين قالك أصلا إن إحنا هنروح من غير حاجة ؟
مليكه بصتلها بعدم فهم، ضحكت سارة وقالت: فرح شيري بعد بكرة ونزلت أجيب فستان سهله يعني!
مليكة بتساؤل وغباء: معاكي فلوس الفستان منين طب
سارة بغيظ: عامله حسابي في فلوس أكيد فلوس خصوصية ليا أنا
إبتسمت مليكة ببلااهه وشربت من القهوه بوق
▪︎ في شقة فارس ▪︎
فارس بصدمة: عارف إنك بجــ”ــحه بس متوصلش بيكي البجا*حه انك تيجي لهنا!
ميرا بد*لع وهي بتدخل: جرا إيه يا فارس وفيها إيه!
فارس بتو*تر: ميرا أنا إحم أنا متجوز يا ميرا
ميرا بصدمه مصتنعه: نعم!
فارس ببرود: متعمليش نفسك مش عارفة إنتي أكيد عرفتي وإلا مكنتيش طلعتيلي الشقة هنا اللي هي بتاعتي!
ميرا بتو*تر: لأ أنا..أنا عارفة إنك بتيجي تحب تقعد هنا دايما علشان دي شقتنا وكل حاجة
