رواية شهد القاسم
-تاني يوم ادم كان قاعد مع اصحابه في كافيه وبيضحكو فجأة دخل عليه عز ومسكه من التيشيرت وفضل يضرب فيه وحاولو صحابه يبعدوه عنه بس هو مش سابه وكان مسكه جامد وعينه باين فيها الغض.ب وبعد ما ضربه قاله قولي عرفت منين ان انا ابقي ابن عم شهد ومين اللي قالك تقؤل الكلام ده لمريم انطق واداله بالبوكس
-ادم فضل ياخد نفسه بصعوبة وقاله بصوت متقطع انا مليش دعوة ابوك هو اللي كلمني وقالي لو عايز تنـ،ـتقم من مريم عشان سابتك اعمل اللي هقؤلك عليه وهو اللي قالي انه ابوك وانه عايزها تبعد عنك وعايزك ترجع تاني اسكندرية وانا وافقت وعملت زي ما قالي
بعد ساعات في اسكندرية عز كان داخل شقته بس سمع ابوه وهو بيتكلم مع امه وسمع اللي خلاه واقف مش مستوعب اللي بيسمعه من الصد@مة
-مني بتقؤل لعصام تفتكر اللي اسمها ديدي دي اللي حكتلي عليها عملت اللي قالت عليه ولا بتضحك علينا عشان تاخد الفلوس
-مني بضحك ايوة عندك حق هيا مش هتبقي عايزة تشوف وشه وقاطعها دخول عز وهو علي وشه علامات الغض.ب وخيبة الامل في امه وابوه ومني او ما شافته اتوترت وخافت ليكون سمعهم وبصت لعصام اللي بان عليه القلق بس حاول يداريه واتكلم
-عز وجه كلامه لابوه وقاله هيا كلمة واحدة وترد عليا انت اتفقت مع ادم عليا وقولتله يفهم مريم اني بضحك عليها
--عصام اتوتر بس رد ببرود انا معرفش ايه الكلام اللي بتقؤله ده ثم انت جاي هنا عشان تتهمني والله ومعرفتيش تربي يا مني
-عز رد بغض.ب ولو قولتك انه باعك وجالي قالي انك انت طلبت منه يعمل كدة مقابل اني ابعد عن مريم واسيبهاله
-عصام باندفاع ابن الكلب بقي يبعني ماشي انا هوريه
-عصام بتوتر يابني انا كنت عايزك تبعد عن البت دي دي امها هيا اللي زقاها عشان تلعب عليك
-عز بغض.ب كفاية بقي كفاية كدب مريم بنت كويسة جدا ومكنتش تعرف اصلا اني ابقي ابن عم شهد ولا حتي انا كنت اعرف أنها تبقي بنت خالتها حرام عليك وبص لابوه بجمود واتكلم عارف انت تستاهل تعيش لوحدك طالما كل اللي همك الفلوس يبقي خليها تنفعك انا من انهاردة ابويا وامي م١تو
--مني فضلت تعيط ومسكت ايد عز واترجته عشان خاطري ياعز سامحنا يابني طب عاقبنا باي حاجة الا انك تسيبنا انا اموت فيها يا عز يهون عليك امك تموت من قهرتها عليك يابني
-عز بصلها وصعبت عليه بس قال في نفسه لازم ابعد ويفهمو انهم خسروني يمكن ده يخليهم يفكرو تاني ويعيدو حسابتهم بص لامه بحزن ومشي وهو مقرر هيعمل ايه بالظبط ........يتبعالبارت الاخير شهد القاسم
-عصام بغض.ب في ستين داهية _ياخويا وانتي بطلي عياط وهو هيرجع غصـ،ـب عنه انا عارف انه هيرجع بس من جواه متأكد انه خسر ابنه للابد
زينب كانت قاعدة مع مريم وشهد في الصالة وقاسم كان معاهم وزينب اتكلمت برجاء
-شهد يا بنتي عشان خاطري فكري كويس قبل اي حاجة انا مش راضية بموضوع الطلاق ده
-شهد بحزن حاولت تداريه ماما زينب انا خلاص فكرت وابيه قاسم مش شايفاه غير اخويا فلو سمحتي متضغطيش عليا .
-قاسم قلبه مكسور حاسس انه روحه بتتسحب منه قال لامه خلاص ياماما لو سمحتي متضغطيش عليها ووجه كلامه لشهد وقالها انا هطلقك يا شهد بس برضه هفضل جمبك دايما زي ما انتي شايفاني اخوكي الكبير ومش هسيبك الا مع الانسان اللي تختاريه وحاول يجمع نفسه وكمل كلامه بصوت مكسور احم ودلوقتي، شهد بصتله بدموع محجرة وقلب بيدق من الخو.ف لما كمل كلامه شهد انتي انتي طا وقبل ما يكمل الكلمة جرس الباب رن وشهد فرحت من جواها انه منطقهاش
-زينب فتحت الباب ولقت عز قدامها
-عز اتكلم بود انا ابقي عز يا طنط زينب وكمل بتوتر ابن عم شهد
-زينب اتصدمت وخافت بس قالتله اتفضل يابني اهلا وسهلا
-عز دخل لقي مريم وشهد وقاسم بص لمريم اللي قلبها دق اول ما شافته وفي نفس الوقت مجـ،ـروحة منه وبادلته النظرة بس بحزن ووجه عز كلامه لقاسم وهو بيعرف نفسه استاذ قاسم انا ابقي
- قاسم وهو بيحط رجل علي رجل عز الدين عصام الفولي عارف ويا تري سبب الزيارة ايه لعبه جديدة دي
-عز بصله بثقة وقاله انا عندي كلمتين وياريت تسمعهم
اولا انا مش زي بابا ولا عمري هكون زيه في البداية انا زميل مريم في الكلية ولحد اول امبارح، وبص لمريم كانه بيفهمها انا مكنتش اعرف ان مريم قريبتي وانها تبقي بنت خالة شهد انا جيت الجامعة هنا عشان اهرب من طمع بابا ومن حقده لاني تعبت افهمه انه غلط وانه يبعد عن شهد ويسيبها في حالها وان ورثها ده تعب عمي وشقاه لوحده وحق بنته من بعده بس للاسف مكنش بيسمعني
-زينب بصت لعز بحزن وحست بصدق كلامه وصعب عليها اوي وطبطبت عليه وقالتله معلش يابني ربنا يهديهم
-عز كمل كلامه وقال لقاسم لحد اول امبارح اكتشفت ان ابويا لما عرف اني اعرف مريم بحكم صداقتنا واننا زمايل بعت واحد ليها يفهمها اني متفق معاه بأني اقرب من مريم واعرف منها تفاصيل شهد وجوازها منك واقؤله والكلام ده كذب وانا واجهت بابا وللاسف اعترفلي انه لعب عليا انا ابنه عشان ابعد عن مريم ويعلم ربنا ان مش دي الحقيقة واني مكنتش اعرف اصلا ان شهد قريبة مريم ودلوقتي يا استاذ قاسم انا بطلب منك ايد مريم اخت حضرتك واتمني انك توافق ومتبصش لبابا لاني غيره ولا يمكن هكون نسخة منه
-شهد بصت لمريم اللي كانت سعيدة وباين عليها الفرحة لانها اتأكدت ان عز مظلوم وزينب بصت لمريم وفهمت وحست انها مبسوطة وفرحت لفرح بنتها بس خافت لقاسم يرفض
-قاسم فضل باصص لعز وبيقرأ تعبيرات وشه و التمس الصدق في كلامه ابتسم وقاله بعيدا عن باباك لو انت فعلا بتقؤل الحقيقة فانا مش هاخدك بذنبه ولو اختي موافقة اكيد هوافق لاني مش هلاقي احسن منك عريس لاختي وبص لمريم وقالها ها ايه رأيك يا مريم
-مريم بصت لعز بخجل وقالت لقاسم انا متأكدة ان عز مختلف يا قاسم وانا موافقة
-زينب قامت وحضنت مريم وشهد والتلاتة كانه مبسوطين
-قاسم قاله خلاص سبني يومين وهكلمك اقؤلك تيجي عشان نقرا الفاتحة وفي باله انه يتأكد من كلام عز الاول وفي نفس الوقت ميكسرش فرحة اخته اللي باينة في عنيها
-عز قاله وانا موافق وكان باين عليه التردد بس قرر انه يتكلم لو سمحت يا استاذ قاسم كنت عايزك في موضوع علي انفراد وياريت لو شهد تبقي موجودة
-مريم بصت لعز باستغراب وخمنت ان الموضوع يخص شهد بس مش عايز امها تعرف
--قاسم استغرب برضه بس قاله تمام تعالي يا شهد معانا المكتب ودخلو هما التلاتة
-عز بصلهم واتنهد وبعدين اتكلم انا عايز اقؤلك يا قاسم علي حاجة حصلت وشهد هتأكد كلامي لما تفهم
-قاسم بهدوء هو في ايه يا عز ما تتكلم قلقتني
-عز قاله انت من فترة روحت شقة واحدة اسمها ديدي مش كدة
-قاسم قاله باستغراب وهو بيبص لشهد ايوة فعلا بس انت عرفت منين
-عز قاله دي واحدة بابا اللي باعتها عشان توقع بينك وبين شهد
-شهد قعدت علي الكرسي من الصد@مة
-قاسم بغض.ب انت بتقؤل ايه
-عز قاله اهدا يا قاسم واسمعني كويس بابا اتفق معاها تجيبك الشقة وتحطلك مخـ،ـدر في العصيرعشان تنام وتبعت تجيب شهد وتخليها تشوفك عندها وتتأكد ان في بينكم حاجة وتبعد عنك وتطلب الطلاق وسعتها بقي هيا ترجعلهم ويمضوها علي تنازل عن ورثها
-قاسم مش مستوعب اللي بيسمعه وقال لعز انا فعلا شربت عصير وصحيت لقيت نفسي نايم في اوضتها بس قالتلي اني تعبت فجأة بس ده معناه ان وقطع كلامه لما بص لشهد وقالها انتي فعلا روحتي هناك يا شهد
