رواية شهد القاسم

--قاسم غمض عينه بحزن وحس ان مفيش فايدة بس فتح عينه وقام من مكانه وقالها برجاء شهد حبيبتي بجد انا مقدرش اعيش من غيرك بجد انا بح وقبل ما يكمل قاطعته شهد قبل ما ينطقها وقالتله وياتري قولتها لكام واحدة طيب ديدي قولتهالها ولا لا وضحكت بوجـ،ـع وقالتله لو سمحت انا مش بحبك متخلنيش اعيش معاك غصـ،ـب عني  .

-عز سمع صوتها اللي باين عليه العياط والحزن قلبه وجعه واتكلم بلهفة مريم عشان خاطري اسمعيني الاول كل اللي فهمتيه ده كدب انا والله مكنتش اعرف انك اختك شهد ولا قربت منك لغرض معين انا بس سكت شوية وبعدين كمل كلامه حبيتك بجد وانتي دخلتي قلبي من اول ما شوفتك بجد يا مريم صدقيني 
-مريم بانهـ،يار  كدااااب انت ضحكت عليا وانا صدقتك زي ما صدقت ادم وجرحني برضه عشان انتو زي بعض هو انت فاكر لما جه وعرفني حقيقتك كدة بقي احسن منك لا انتو شبه بعض وانا بكرهكو انتو الاتنين يا عز 
--عز باستغراب ادم هو اللي عرفك حقيقتي ازاي واصلا عرف منين اني ابقي ابن عم شهد وانا اصلا محدش يعرف الا وسكت شوية يفكر وبعدين قالها مريم يهمني انك تبقي مصدقاني واني مظلوم بس انا هعرف اثبتلك براءتي وهتشوفي سلام 
--مريم حضنت نفسها وفضلت تعيط وكان نفسها تصدقه لانها حبته بجد 
-قاسم وصل شهد ووقف بالعربية قدام العمارة وقبل ما تنزل قالها انا هطلقك اول ما نتيجتك تطلع ومش هغصبك عليا زي ما انتي بتقؤلي تمام ؟ 
-شهد حست بنغزة في قلبها وفهمت انه خلاص كدة فعلا هيطلقها بصت في عينه بحزن وقالتله بصوت مش قادرة تخرجه مااشي  شكرا يا قاسم وسابته ونزلت وهو فضل يبص لاثرها بحزن وكان نفسه لو تبادله الحب اللي في قلبه ليها بس يا خسارة طلع كان موهوم بأنها ممكن تكون حبته وشوية وطلع فونه وافتكر ديدي ومكالمته الاخيرة معاها لما قالتله ان مشكلة القضية اتحلت ومش هتبقي خايفة بعد كدة وانها هتسافر وسعتها استغرب بس حمد ربنا انها هتبعد عشان شهد تبطل تفكير ان في بينا حاجة وافتكر لما حس من تصرفاتها انها غيرانة عليه وابتسم بوجـ،ـع