رواية جنون الحب (كاملة جميع الفصول) بقلم يارا عبدالعزيز
عزة: لا معتقدش فارس اعقل من كدا
حور: ربنا يستر
عزة: خير باذن الله
حور: انا داخلة انام شوية مش قادرة
عزة: ماشي يحبيبتى هحضر الغدا واصحيكى تاكلي
حور: مش عايزة اكل مليش نفس
عزة: مينفعش يحبيبتى انتي مسمعتيش الدكتورة قالت ايه عايزة ترجعي المستشفى تاني
حور: لا كله الا دي
فجأة سمعوا صوت خبط شديد على الباب
عزة بخوف: مين بيخبط بالطريقة دي
حور: مش عارفه
فتحوا الباب
هنا: ايه يجماعة ساعة على ما تفتحوا انتي فينك يختي مش بتيجي المدرسة ليه
حور: مين بيتكلم غيبوبة هانم تعالي نعقد فى اوضتي
هنا: خالتو عزة انا واقعة من الجوع
عزة: من عيني يحبيبتى هحضرلكوا الغدا حالا
حور بهزار: ليه يا هنا ليه هتخليني اكل
دخلوا اوضة حور
هنا: ايه اللى حصل كملت بغمزة
: انتي ومستر فارس ايه الوضع
حور بحزن: سيبك مني انتى اللى مالك كنتى هتكسـ'ري الباب برا قولي اللى عندك يلا
هنا: بس متفهمنيش غلط
حور: اوعي يكون ليه علاقة بالز'فت اللى اسمه هيثم
هنا: لا الصراحة يا حور الصراحة انا
استغفر الله العظيم الذي لا اله الا هو الحي القيوم واتوب اليه ♥️
حور: انتي ايه اخلصي يبت
هنا وهى بتتكلم بسرعة كبيرة: انا حلمت بمستر علي
حور بفرحة: قولي والله
هنا: والله
حور وهى بتحضنها: مبارك مبارك يا هنا انتي كدا بتحبيه
هنا بتوتر: لا دا مجرد حلم مش اكتر
حور: يبنتي ما هى بتبدأ بكدا حلم ثم حب ثم جواز وعلى فكرة بقى مستر علي بيحبك وانا متأكدة والصراحة هو اللى يستاهلك
هنا: تفتكري
حور: اكيد
هنا: مش هفكر فى الموضوع خليني فى الامتحانات هنجيب مستر علي فين
حور: قوليله يجي هنا
هنا: بيت مستر فارس يعني
حور: لا يا هنا بيت فارس مبقاش بيتي
هنا: انتي كويسة
حور وهى بتمسح دموعها: تمام جدا ماما جابت الاكل اهي
عزة: خليكي وراها اما تاكل يا هنا
هنا: اكيد يخالتو متخافيش هتاكل غصبن عنها
فضلت هنا قاعدة مع حور لحد بليل وحور رفضت تتكلم فى حاجة لانها مكنتش حابة تتكلم فى الموضوع كتير
فارس كان قاعد على البا'ر وبيشـ'رب
ادم: مش كفايه كدا دا انت حتى دكتور وعارف اضراره وكمان حرام
فارس بسـ'كر: قالتلي مش عايزة اشوف وشك قالتلي بقيت بتسسبلي وجـ'ع بقيت انا سبب الم حور يا آدم
ادم وهو بياخد الكاس من قدامه وبيبص للجرسون: متجبش تاني لو سمحت
فارس: لا هات خليني اغيب عن الوعي
كمل وهو بيبتسم وبيفتكر حور بحب كبير
