رواية خاطفة القلوب جميع الفصول كاملة بقلم الكاتبة ميرفت السيد

اتأخروا شوية 

البنات قرروا ينزلو كلهم بتوجس لقوا القرية فاضية تمامًا 

ريماس: معقولة دة

دخلوا كل مكان بالقرية مفيش وجود للعصابة ولا لتيم ولا امير ولا البنتين مريم ومي

الكل طلعوا لحد بوابة القرية مفيش حد. موجود خالص

بدأوا يمسكوا موبايلاتهم ويتصلوا باهاليهم وبالبوليس الي جه بعد دقايق والدنيا اتقلبت

التحقيق شغال مع كل المخطوفين بالقرية 

لحد ماظابط دخل  وقال: 

قال الظابط لزميله: لقوا البنتين بخير بس كانوا مرميين على الطريق وجايبنهم على هنا وذويهم بالطريق 

الكل تنفس الصعداء لما سمع انهم بخير 

 الظابط الي بيحقق مع الكل اسمه صلاح  اختار مكتب من.مكاتب الادارة وسأل كل الموجودين لحد.ما جه دور ريماس فدخلت  

قالها: اتفضلي انتي ريماس صح

اه

: انا عارف انها كانت أيام صعبة بس اجاباتك علينا انتي والي معاكي هنا ممكن تقربنا من العصابة دي

اكيد وانا هحاول اساعد 

: اختك  بقى الي كانت شغالة مع تيم وامير واقنعوها  تجيبك انتي وصحباتك للرحلة

اه تمام بس هي ملهلش دعوة

: احنا عارفين طيب احكيلي كل الي حصل اي تفصيلة بكل وضوح

قصت عليه ريماس كل الي حصل 

قالها: ولما اخدك غرفته حصل ايه 

حاول يقنعني اهدا وماقومش عليه الموجودين لان مهمتهم قربت تخلص

: معرفتيش اسمه؟ 

مكانوش بيندهو الا على البنت باسم جوليا ونده على مساعده وقاله ياماهر

: تمام تقدري تتفضلي

طلعت ريماس وحضنت ريم وبعد انتهاء التحقيق   مع مريم ومي  الي قالو انهم اتصلوا من والد كلا منهما وهما شريكان ورجال أعمال لهم وزنهم وطلبوا  مبلغ كبير 20 مليون دولار من كل واحد فيهم نظير عدم اذيتهم او قتلهم

وكانوا بيصورهم ويبعتو لذويهم وان تيم وامير كانوا تبع العصابة

ولما اتأكدو ان الفلوس اتحولت وانهم مبلغوش البوليس رحلوا واطلقوا سراحهما بالطريق

الكل رجع لبيته ريم وريماس امهم استقبلتهم بالاحضان وهما فضلو يطمنوها انهم بخير 

استمر التحقيق لفترة لحد. مااتأكدو ان ريم وريماس ملهمش علاقة بالعصابة لأن مريم ومي اصدقاء ريم  من الكلية ومقربين منها جدا وهي الي طلبت منهم ييجو معاها بناء على طلب تيم منها بدعوة صديقاتها 

واكتشف التحقيق ان سبب عمل ريم مع تيم احدى صديقاتها من الفيس بوك اتعرفوا عالنت بس متقابلوش بالحقيقة اسمها مونا وبعتتلها الاعلان لانها كانت عارفةانها خريجة وبتدور على شغل ولما دوروا عالفيس لقوا الاكونت اتقفل 

وبعد. كام يوم عرفوا ان الشركة كانت وهمية وان القرية مؤجرة من صحابها لمدة شهر وان بيانات تيم وامير كانت وهمية وطبعا وصف الشهود لتيم وامير سهلت مهمة البحث ولكن اكتشفوا هويتهم الحقيقية اساميهم مزورة  ولكنهم.مش مسجلين وحولهم شكوك بانهم انضمو لعصابة من على النت  وتم سفرهم بنفس يوم. مغادرتهم القرية لخارج البلاد

ولكن باقي افراد العصابة لم يتم التوصل اليهم لم يتركوا اثر خلفهم ولا دليل ومازال البحث جاري ولكن بالنهاية اتحفظ التحقيق 

مر شهر وريم مامتها خايفة تشغلها وريماس بتعد الأيام كان الفضول يأكلها كانت بتتابع الجروب كل دقيقة وماقالتش لحد. خالص عن الي حصل

لحد. ماوصلت لليوم المحدد وبالساعة المحددة

وجدت بوست باسم الفارس وصورته وهو لابس قناع تحت عنوان: اعلان ليكي انتي

وبيسخر البوست من اعلانات الشغل المزيفة والنصب على البنات 

عملت لايك وقرت البوست مرة واتنين ومفيش فايدة ولا فهمت حاجة دورت بالاكونت بتاعه لقت بوستات رومانسية فقط شعرت باليأس

تاني يوم راحت شغلها وهي مقررة تنسى الموضوع خالص

خلصت محاضراتها وهي خارجة لقت عربيتها عطلانة

ببقلم مرفت السيد 

وقفت وهي متعصبة تشاور لتاكسي

توقف امامها تاكسي فركبت وقالت العنوان وهي بتبص في الفون بتاعها

فسمعت صوت السواق بيقول: تحت امرك 

انتبهت على صوته نقس صوت فارس وبصتله بالمرايةلقته لابس نضارة شمس ملامحه مش باينة مش قادرة تعرف هو فارس ولا لأ