حماتي شيلتني الانبوبه
انها ممكن توافق وتتجوز سعيد
تحيه
بصراحة كده صباح مراتك اللي قالت لي عليها واني بقا موافقه عليها
علام
صبااح طيب ايه رايك ان هخلي يوم ليها في البيت النهاردة
تحيه
يووه جرا ايه يا علام هو اني بقولك كده عشان تطلع تتخانق مع مراتك كتر خيرها اللي بتدور على مصلحة اخوك
علام
مصلحة اخويا ولا مصلحة اختها بقولك ايه ياما قفلي على الموضوع ده بدل ماطلع واخلي ليلتها سوده صباح دي
خلاص ياعلام خلاص هدي نفسك يابني
وطلع علام عند صباح وكانت قاعده في الصاله واول لما شافها قالها
سعيد
حسك عينك تتكلمي مع امي في موضوع جواز سعيد اخويا من اختك ياصباح انتي سامعة ولا لا
صباح
الله وانا كنت عملت ايه يعني ياعلام كل ده عشان عايزة افرح امك واخوك
علام
تفرحيهم بايه يامخبولة انتي ولما تخربي بيت اخويا ومراته تطلب منه الطلاق ده هيفرحهم في ايه بدي افهم
ماهو لما اخوك سعيد يتجوز نبوية اختي وتجيب له الواد اللي نفسه فيه اكيد ده هيفرحة مش كده ولا ايه
علام
اخويا سعيد فرحان ببناتة ومبسوط مع مراته اطلعي انتي منها ياصباح ومتدخليش في اللي ملكيش فيه بدل مابعتلك بيت ابوكي وتقعدي مع اختك نبوية وتسلو بعض ويلا غوري حضري الحمام خليني ادخل اتشطف وانزل تراب الأرض من عليا يلا همي
محمود
هاتي خمسة جنية ياستي اروح اشتري حاجة حلوه
تحيه
خود ياضانيا عشره جنية روح هات لك حاجة وهات لاخواتك معاك
ضحى بنتي قالت لها
وانا كمان ياستي عايزه فلوس اروح اشتري حاجة حلوه
تحيه
غوري يابت من هنا مفيش فلوس روحي خودي من امك
مالك ياضحي بټعيطي ليه حد ضړبك ولا ايه
ضحى
لا ياماما بس محمود ابن عمي كان بيقول لستي هاتي فلوس اشتري حاجة حلوه راحت ادته فلوس وانا بقول لها انا عايزة فلوس قالت مش معايا وروحي خودي من امك
فاطمة
استغفر الله العظيم يارب هي الوليه دي ايه اعوزو بالله منها طيب ياحبيبتي متزعليش انا هديكي فلوس تشتري حاجة حلوه ليكي انتي واختك
والله حرام عليكي لما تفرقي بين عيالك عيالك بالطريقة دي ياحماتي
تحيه
واني فرقت بينهم ازاى يابت انتي هتتهبلي عليا ولا ايه
فاطمة
يعني لما البت قالت لك تديها فلوس زي ابن عمها ليه مش ادتيها ولا عشان هي بنت سعيد وولاد علام هما اللي على الحجر وبس
صباح
ومالك ياختي عماله تتفردي وتتني كده اه ولاد علام هما اللي على حجر عشان صبيان يام البنات يلي مش عارفه تجيبي زيهم
استغفر الله العظيم والله ياختي حكاية البنات والصبيان دي بايد ربنا ولا انا ولا انتي اللي خلقناهم وبعدين مالهم البنات ياصباح هاا مالهم بكرة تشوفي البنات اللي مش عاجبينك دول والبلد كلها بتحلف بتربيتهم واخلاقهم
صباح
هاهاها لما نشوف ياحبيبتي قال ياجايبة البنات ياشيله الهم للممات
فاطمة
انتي عاجبك كلامها ده ياحماتي بس انا بقا كلامي مع جوزك مش معاكي
تحيه
بقولك ايه يا فاطمة لمى نفسك واطلعي شقتك بدل ما وربي اخلي سعيد يرميكي في الشارع
فاطمة
لا وعلى ايه ياحماتي انا هطلع من دلوقتي الم هدومي واخد بناتى وامشي من هنا حكم احنا تقال عليكم
تحية
لو مشيتي تسيبي البنات في الدار متاخديش حد منهم معاكي احنا مش ناقصين عار ياختي
وسبتهم وطلعت شقتي
صباح
والله يا حماتي انا شايفه ان الحمل بتعها ده ملوش لازمه يكون موجود بقي علشان
خاطر مش ناقصين بنات تاني
تحيه
هو انتي فاكره ياختي أنها هتوافق انها تنزله
لا طبعا مش هتعمل كده
صباح
ومين قالك ان هيكون بمزجها يا حماتي خليكي
ورايا والله ما هتعرفي انا هعمل اي علشان
خاطر سعيد يكون ابو الولد
وفي الغيط كان واقف سعيد وجه حسين
حسين
ازيك يا ابو محمود عامل اي الا قولي المزرعه
ناويه تكون جاهزه أمتي
سعيد
سلامه النظر يا ابو احمد انا سعيد
مش علام
حسين
والله عارف با اخويا بس سامحني يعني
اتكسفت انده عليك ب اسم بنتك يعني
سعيد
خلاص يا اخويا طلما اتكسفت ابقي المره
الجايه انده عليا ب اسمي وبعد اذنك بقي
وبعدها مشي وهو كان مخڼوق
