رواية خطيبي اتجوز ماما بقلم هويدا زغلول

مديحه _ هاني والله انا مش عايزه مشاكل وبجد عارفه ان انت مالكش ذنب في اللي حصل كل اللي حصل ده بسبب هشام وانا بقولك طلقني ومش عايزه منك حاجه وانت تقدر لما تقابله تاخد فلوسك
هاني طلع علبه قطيفه وقالها

هاني _ اتفضلي انا جبتلك الاسوره دي بس علشان حصل النهارده
مديحه _ وانا مش عايزه اي حاجه شكرا بعد اذنك انا داخله انام ومش عارفه ليه كان
جوايا احساس صعب اوي حسيت أن حبيته

وفي شقه ساره كانت شروق قاعده ودخلت
ام ساره
الام _ ايه يا شروق هو انتي هتفضلي قاعده في الاوضه كده يا حبيبتي حابسه نفسك حقك علينا ما تزعليش مننا في اللي حصل بس والله انتي ما تعرفيش احنا ما معناش فلوس نسد ثمن الشبكه دي

شروق _ والله انا مش زعلانه منكم بس بجد بقيت حاسه ان ما ينفعش اقعد في بيت محدش يعرفني فيه لان خايفه تحصل حاجه زي كده تاني
الام _ ما فيش حاجه هتحصل باذن الله يلا بقى علشان اهل خطيب ساره بنتي قاعدين بره

شروق _ طيب انا هخرج بمناسبه ايه يعني انتي هتقولي ليهم انا مين

ساره _ تعالي يا شروق يا حبيبتي اعرفك محمد خطيبي
الام _ خليكوا انتم بقى قاعدين هنا وانا هدخل في الاوضه جوه اقعد مع مامه محمد

محمد _ اهلا وسهلا بيكي يا انسه شروق انتي قريبتهم صح
ساره _ اه اه قريبتنا من بعيد انا هقوم اجيب الشاي والكيكه واجي على طول
شروق _ خليكي انتي بس وانا هروح اجبهم

ساره _ لا لا وبعدها دخلت

محمد _ وانتي بتدرسي ايه بقى يا شروق
شروق _ لا انا خرجت من تالته اعدادي وكنت شغاله في مصنع ملابس جوكر يعني اوفر وسنجر
واروليه

محمد _ معقول هو انت تعرفي ان انا فاتح ورشه ملابس صغيره وبجد كنت بدور على حد جوكر
شروق _ بس انا بعتذر لك اصل انا مش هقعد هنا كتير يعني ده وقت قليل
محمد _ شهر رمضان قرب وانا كنت محتاج حد بس معايا لحد العيد ايه رايك تنزلي وهعملك مرتب كويس، وفي الوقت ده ساره جت
وقالت

ساره _ تنزل فين يا محمد
محمد _ يا بنتي حرام عليكي مش انتي عارفه ان انا بدور برده على حد جوكر يقعدلي على المكن ما قلتيش ليه ان شروق شغاله الشغل ده

شروق _اه بس فتره قليله يعني بس انا زي ما قلت لحضرتك انا مش عارفه قاعده هنا وقت قد ايه فمش هقدر انزل انا بعتذر بعد اذنكم
وبعدها قامت وقفت ودخلت

محمد _ ارجوكي يا ساره حاولي تتكلمي معاها بجد انا محتاجه تكون معايا في الشغل في
رمضان حتي
ساره _ حاضر والله يا حبيبي ما تشيلش هم الموضوع ده يلا كل كيكه بقى مع الشاي وبعد ما مشيوا دخلت ساره

ساره _ مالك يا شروق هو انتي مش حابه تنزلي تشتغلي مع محمد على فكره محمد شخص محترم جدا
شروق _ لا والله بس انا مش عايزه بس اغلط بلساني قدامه واعملك اي مشاكل انا بجد محتاجه الشغل ومحتاجه ان يكون معايا فلوس