ربيت بنت جوزي في عشة الفراخ
يا بابا انا مش بكدب هي قالتلي اللي انا قولتهولك..
فوزي
مصدقك يا حبيبتي وانتي يا امي طيبه ما تعرفيش البنات اللي زيها بتعمل ايه..
اميره خاڤت وقالت
والله العظيم انا ما عملتش حاجه والله..
فوزي
قدامي علي جوه انا هربيكي وهعرف اخليكي تحترمي نفسك وانتي عايشه هنا يا رباية كوثر اللي اتجوزت عمك وخدته من علي مراته..
وقالتلي اميره انها في اليوم ده اللي هو تاني يوم جوازها اخدت علقھ ما اخدتهاش من كوثر وقالتلي انها زي ما کرهت كوثر كمان کرهت بنت جوزها الصغيره..
وعدت الايام واميره بقيت فعلا شغاله عند فوزي وبنته ومامته وفي يوم طلعت السطوح فوق ولقيته بايظ جدا حتي الطيور لا عندها اكل ولا مايه.. راحت وروقته وعملت عشه للفراج والباب بتاعها عملته حديد كانت اميره شاطره في الحاجات دي لان كوثر كانت بتخليها هي واختها ديما يعملو عشش للفراخ... وبعدين نزلت لقيت فوزي طالع وقال..
انتي كنتي فين يا بت انتي كل ده..
اميره
انا خلصت شغل البيت هنا ولقيت السطوح فوق بايظ اووي قولت انضفه ووديت اكل للطير اللي فوق عشان لما يكبرو ابقي اعمل منهم اللحمه والفراخ بقيت غاليه اووي اليومين دول..
فوزي
طيب كوبس بس السطوح ده ما حدش بيطلعه من سكان العماره يعني خدي راحتك عليه وابقي فكريني اديكي المفتاح بتاعه عشان انا مش بطلع فوق وخليه يبقي مسؤليتك انتي..
اميره
حاضر يا فوزي من عينيا..
وطلعت فرح من اوضتها وقالت
انا جاهزه يا بابا يلا بينا عشان نروح نزور تيته وخالتوو..
فوزي
طيب انا هروح الورشه اخلص كام حاجه وانتي استنيني في مدخل البيت تحت..
حاضر يا بابا بس ما تتاخرش..
ونزل فوزي راح الورشه وفرح كانت بتلعب العروسه بتاعتها في مدخل البيت ونزلت اميره اخدتها وطلعت فوق خالص علي السطوح وحطت البنت فيها وقفلت عليها ونزلت..
ام فوزي
كنتي فين يا اميره هو انتي يا بنتي ما صدقتي توضبي السطوح عشان تسبيني لوحدي وتقعدي فيه...
اميره كانت ايديها بتترعش من الخۏف ودموعها نزلت وقعدت جنب حماتها علي الارض وقالت..
اميره
هو انا وحشه هو انا عشان عايزه ابقي مبسوطه وفرحانه وحياتي كويسه ابقي وحشه...
ام فوزي
يالهوي يا بنتي بقي انتي وحشه ده انتي حنالة قاسيه وغلباانه وبنت تحطها في اي مكان تقع واقفه ما يتخافش عليها..
انا بحبك اووي يا حماتي انتي طيبه ومش بتاذيني زي الناس كلها ما بتأذيني...
وقالت اميره ان جوزها لما جه فضل يدور علي بنته في كل مكان ولما جه يطلع علي السطوح قالت اميره انها هتروح تشوفها هي بنفسها ولما نزلت قالت..
اميره پخوف
ما لقيتهاش فوق خالص انت ليه بس ما اخدتهاش معاك..
فوزي بدموع
انا قولت احسن اخدها وتطلع من غير ما اخد بالي اسيبها تلعب جوه مدخل البيت..
ام فوزي
طيب المحل بتاع الواد حماده مش فيه كاميرا من برا ما تشوفها يمكن تكون حد اخدها..
خاڤت اميره اووي بس ارتاحت لما فوزي قال
شوفته يا اما بس الكاميرا بتاعت المحل بايظه وقالي هيبقي يصالحها..
يصلحها ولا لا هيفرق في ايه بس دلوقتي..
اميره
ان شاء الله تكون راحت تلعب هنا ولا هنا وتيجي دلوقتي او حد يلاقيها ويجيبها..
فوزي پبكاء
يارب ده انا ماليش غيرها دي روحي انا مش هقدر اعيش لو حصلها حاجه..
ام فوزي.
يا بني وحد الله مش كده كل عبد مش هياخد غير اللي كاتبه ليه ربنا...
اميره قربت من فوزي وقالتله
طيب ادخل ارتاح شويه انت بتلف علي كعب رجلك من الصبح عشان خاطري ادخل بس ارتاح شويه..
وفي يوم الصبح بدري طلع فوزي من اوضته وقال..
فوزي
تسلم ايدك علي الفطار ده يا اميره والله انا ما ليا نفس اكل اصلا من لما فرح اختفت بس انتي ديما بتهوني عليا..
اميره
هو انا ليا غيرك يا حبيبي وان شاء الله نلاقي فرح وترجع تاني وسطينا..
فوزي
حقك عليا يا اميره انا جيت عليكي اووي عشان خاطر بنتي بس واضح انها فعلا كانت بتفتري عليكي عشان اخدتي مكان امها...
اميره ابتسمت وقالت
بلاش الكلام ده مش وقته يا
