خاني زمان ورجع لقيته متقدملي القصة كاملة
إستغرب دا جدًا وقال في نفسه: إزاي دا علي حد علمي إنها بتحبني
قام بهدوء راح ناحية الأوضه اللي هي قاعده فيها سمع صوت شهقات خفيف جدًا أعتقد إنها كاتمة شهقاتها..
بتلقائية فتح الباب لقاها قاعده علي السرير ومديه ضهرها للباب
قعد بهدوء وحضــ*ــنها وقال بحز*ن: أنا أسف
إتنفضت من مكانها وقامت من علي السرير ووقفت بتبصله بغضب وقالت ببرود وهي بتمسح دموعها: أسف علي إيه؟
فارس بندم: علي اللي حصل من شويه دا
إبتسمت سارة بسخريه وقالت: فكك أصلًا مش فارقلي
فارس بإستغراب: لما مش فارقلك بتعيطي ليه؟
ساره ببرود وهي بتربع إيديها: إتخبطت في رجلي وجعتني
سندت علي الدولاب وهي مازالت مربعة إيديها وقالت ببرود: والله اللي موقفني علي رجلي قعادك علي السرير وياريت البعيد يخلي عنده د_م
قام فارس وقف وقال بصدمة: بقا إنتي يا سارة يطلع منك الكلام دا اللي كنتي بتخا_في من إنك تقولي كلمه تجر_حيني بيها وبتخا_في من كل حاجة
سارة بسخريه وهي بتقعد علي السرير تاني: والله اللي يعاشرك يوم هيبقا أو_حش من كدة
فارس بسخرية: وصابرة عليا ليه قابلة تعيشي معايا ليه مدام أنا وحش أوي كدة؟
سارة في نفسها: قلبي اللي جابرني بس عمري ما هضعف قدامك تاني
فارس بصدمة وحز_ن: كنت!
سارة بصتله بجمود وقالت: أه كنت فعل ماضي مبني علي الكلام الفاضي
بصلها بحز_ن وساكت لإنه هو غلطان هو اللي وصلها لكدة أصلا وجاي دلوقتي زعلان؟
بصتله بسخريه وقالت: ومالك زعلت أوي كدة ليه مش إنت بتكر_هني ومتجوزني بالإجبار وعمرك ما حبتني وأنا وح_شه جدًا كمان أنا هريحك مني خالص وبإذن الله للأبدفارس بلهفه: لأ مش هطلقلك
سارة بشرود: مطلبتش الطلاق هعيش معاك في الشقه أوعدك إن مش هوريك وشي نهائي ودا وعد مني
قامت طفت النور ورجعت نامت علي السرير وشدت الغطا وسابتو واقف زي ماهو ولكن كانت في دماغها حاجة ناوية تعملها فعلًا
