عتمان باع أرضه _ كاملة _ بقلم هويدا زغلول
عتمان
وانت معقول هتمد ايدك على فلوس مراتك
ومن أمتي ده بيحصل
محمد
وفيها اي وبعدين انت ملكش
في الفلاحه اوي يعني خد الفلوس واعملك
بيها المشروع اللي انت عايزة
عتمان
واخوك سيد عارف بالموضوع ده مانت عارف
برضه أن هو عينه من الأرض
محمد
وايه اللي دخل سيد في الموضوع دلوقتي دي حاجه بيني وبينك خرجه هو منها
عتمان
وانا يا اخويا مش هبيع اي اراضي وعايز ارضي وهزرع وسلام قول لمراتك ما تعملش الغداء
وبعدها مشي وخرجت روحيه
روحيه
سمعت كلامي اخوك ده اصلا سوسه وتلاقيه عرف بموضوع ان الارض جايبه تمن عالي وهيبيعها هو الراجل اللي عايز يشتريها
محمد
بس يا وليه وطي صوتك لحد يسمعنا انا مش عايزه حد يعرف بالموضوع ده خالص وانا هفضل وراه لحد ما اشتري الارض دي
روحيه
هو وافق مش المفروض ان في عقود ان الارض تبقى باسمك انت هتجيب فلوسها منين لحد ما تاخدها منه وتبيعها للراجل
محمد
انا معايا قرشين والبركه فيكي بقى تقفي جنبي
روحيه
موافقه بس طبعا مش هاخد الفلوس اللي انا اديتهالك بس هاخد الطاق طقين
محمد
ماشي ما انا مضطر ان انا اوافق، وفي
بيت ابو نفسيه دخلت نفسيه وقالت
نفسيه
مسا الهنا علي احلي اب في الدنيا مالك
الاب
برده روحت الارض وماسمعتيش كلامي يا نفيسه مش انا قولتلك يا بنتي كام مره ده غلط
الناس كده هتاكل وشنا
نفسيه
وهي الناس هتنفعنا يعني يابا لما نموت من الجوع ربنا يديك الصحه ويقومك بالسلامه وتزرع انت ارضك
الاب
اسمعي كلامي يا نفيسه ما تروحيش الارض تاني انتي سامعه ولا لا
نفسيه
بس يا أبا
الاب
ما فيش بس انا قولت كلام وتسمعي وعايزك تخلي بالك من اختك
نفسيه
ايه ده مالك يابا في ايه
الاب
ما فيش حاجه يا بنتي بس روحي يلا حضري الوكل عشان ناكل مع بعض وبعدها
دخلت المطبخ وحضرت الاكل
ورجعت الاوضه وبعدها لقيت ابوها راح
