رواية خادمه قصر أبي بقلم زهره عصام

الحلقة التاسعة عشر

تاني يوم فتون صحيت على إتصال من سالي
فتون: أيوة يا سالي في اية
سالي: انتي فين يا فتون افتحي نت بسرعة انتي تريد أول على كل المواقع
فتون بحاجب مرفوع: ودا من اية إن شاء الله
سالي: ادخلي شوفي بنفسك دا غير إن أسهم شريكاتنا بقت فوق فوق وعروض شغل نازلة ترف علينا وطلبيات بالهبل
فتون بصت في الساعة قدامها وقالت: تلت ساعات نمتهم تلت ساعات يحصل كل دا ؟ قفلت مع سالي ووصلت نت في موبايلها وشافت اللي مكتوب عليها 

شافت فيديو ليها وهي بتضر’ب مني بالقلم ومكتوب عنوان لية: كلة إلا أمي 

شافت صور ليها في الحفلة وكل اللي حصل بالتفصيل محكي فتحت الكومنتات لقتها كلها تشجيع ليها معادا كام كومنت بيستظرفوا قفلت النت واتعصبت جدا لأنها مبتحبش تكون وجه أو صور ليها تنتشر

اتصلت بالموقع اللي نزل الفيديو أول واحد وقالت: معاكم فتون مصطفى خليل دقيقة واحدة ولو إسم اللي اداكم الفيديو والأخبار مبقاش معايا اعتبروا نفسكم معرضين لمسائلة قانونية دا غير إن الموقع بتاعكم هيتقفل

مكملوش دقيقة وكان اسم شاهي بيرن في ودانها قفلت من غير ما تسمع كلمة زيادة وكلمت سليم

—–

سليم كان قاعد بيقلب في الفون في الصور اللي نازلة والفيديو وابتسم بشماتة لأنه عارف إن فتون مبتحبش كدا لقاها بتكلمه

سليم رد وقال: الو خير في حاجة 

فتون انتبهت لنبرة السخرية المصحوبة بالشماتة وقالت:-
قول لاختك إن اللي عملته مش هيعدي بالساهل واشكرها على عروض الشغل اللي نازلة ترف عليا وإن بكلمة مني أخليكم تشحتوا وقفلت الخط

سليم استغرب اندفاعها على شاهي وخاف عليها منها خرج بسرعة لقي الكل بيفطر وقف قدام شاهي وقال: انتي اللي عملتي كدا ليكي ايد في اللي حصل لـ فتون

شاهي بشماتة: أيوة أنا اللي عملت كدا كنت عارفة إنها مبتحبش السوشيال ميديا وقررت اخليها تريند وانتقم منها 

سليم بسخرية: تنتقمي من مين يا هانم دا انتي شهرتيها دا شركات عالمية اتصلت تتعاقد معاها غير تقبل الناس للموقف وتشجيعهم ليها والادهي بقي أنها مش نويالك على خير عشان عرفت إنك ورا دا كلة

شاهي بصد@مة: نعم بقي انا أخطط وانفد وفي الآخر يطير كله في الهوا

مني بغل: متقلقيش هنشفلها حل سبيني بس أفكر لبنت الخدامة دي

محمود: إياك حد يجي جنبها انتوا فاهمين دا غ

 

ير أنها هتيجي تقعد هنا معانا في البيت 

سليم بسخرية: مظنش دي قالتهالي كدا بكلمة مني أخليكم بتشحتوا

سالم اتصدم وحس إن في اللحظة دي هو فعلًا بقي ضعيف وبقي في الاقوي منه ولسخرية القدر أنها تكون بنت ابنه اللي كان عاوز يقتـ’ـلها بص لـ محمود وقال بغل: لو كنت مو’تها زمان مكناش هنبقي في الموقف دا

محمود بزعيق: عاوز تقتـ’ـل بنتي

شاهي بصراخ: مش بنتك انا بس اللي بنتك انت معندكاش غير سليم وشاهي دول بس اللي ولادك

محمود ضربها بالقلم وقال: لا في وفتون كمان بنتي مهما انكرتم ومهما هي معترفتش بينا دا مش هيغير الحقيقة

سليم تليفونه رن تاني لقاها فتون رد وفتح الاسبيكر 

سليم شاور للكل يسكت ويسمع وفتون حست بدا فقالت بسخرية: انتقامي محبتش يتاجل ساعة واحدة يا سولم قول لاختك دي قرصت ودن وتريند بتريند بقي يا شاهي كنتي عاوزة تطلعيني وحشة صح والبنت اللي مش متربيه وطلعت العكس متعوتش أمن على حد بحاجة عملتها بس انتي متستاهليش ولسة هبقي حلوة اكتر لما يعرفوا إني اتقذتك والفيديو يملئ السوشيال ميديا

سليم بخوف: لا فتون متعمليش كدا خليكي أحسن مننا إحنا أنا اهو بعترفلك انها غلطانة هي مش ناقصة فضيحة
فتون: اممم متأخر أوي يا سولم وبالمناسبه أعتبر العقد اللي مضيته معاكم ملغي مبحبش اتعامل مع عيال مش عارفه تتحكم في أهل بيتها وليا كل الحق من غير ما أدفع جنيه واحد دا حتي هيبقي عليكم شرط جزائي بس لجل طيبه قلبي هسامحكم فية وقفلت الخط
سليم: لا فتون استني فتون بص للفون لقاها فصلت الخط اتعصب ورن على عمران وحكالة اللي حصل
عمران ببرود لانه تعب من مشاكل سليم وعيلتة: بص يا سليم هي ليها كل الحق بعد اللي انتوا عملتوه دا وأنا كمان عاوز افض الشراكة دي من ساعة ما عملناها وكل مادا بنخسر مش هستني لما القي نفسي على الحديدة آسف خلينا صحاب أفضل وقفل الخط
سليم اتعصب جدا ورمي الفون في الحيطة نزل ميت حته
——

فتون نزلت لـ فاطمة اللي قاعدة في الليفنج بتتفرج على اللي حاصل
فتون: أنا آسفة أنا مش وحشة بس هما اللي مصريين يطلعوا أسوأ ما فيا
فاطمة هزت رأسها بتفهم وقالت: زمان كنت بعاتبك وبمنعك عنهم دلوقتي اتصرفي معاهم يمكن لما يتكسروا يهمدوا ويبطلوا أذية
فتون لسة هترد جرس الباب رد فتحت لقيته عمران
فتون بسخرية: لو جاي تصلح اللي صاحبك وعيلتة عملوه يبقي تخرج بره افضل
عمران:-
——–
سليم: كلهم اتخلوا عننا يا جدي عمران كمان عاوز يفض الشراكة بص لـ شاهي ومني وقال: كله منكم انتوا الاتنين
محمود صرخ فجأة وقال:-

يتبع