خادمة قلبي بقلم زهرة عصام
ملك: مفهوم يا سعادة البيه الحليوة
مالك أول ما خرج ملك قالت في سرها كنت وصلت لحد فين واه وبقت تغني في سرها يا رجب يا نور العين يا أحمر خدود على الخدين
حازم بهمس زيها: مين رحب دا
مالك: عاااا خضيتي يا سعادة البيه كريم شانتيه دا ايه العيلة اللي بتخض دي بس
حازم: برضوا معرفتش مين رجب
ملك: كلام في سرك
حازم: قولي
ملك: البوي فريندس بتاعي
حازم: من صدمته خرج من المطبخ خالص
----------
وليد داخل البيت وهو بيقول: طالعة في دماغي نروق شوية شم ريحة الأكل دخل يشوف مين بيطبخ في وهو مكمل غني أول ما شاف ملك كان بيغني عدي عليك هههههه وطب ساكت
ملك: مقدرش يقاوم جمالي
مالك: انتي عملتي فيه ايه ؟
ملك: والله يا سعادة البيه الحليوة ما عملت حاجة
دا هو كان داخل هو والأستاذ الفاضل بهاء سلطان فجأة وقع كدا
حازم بغباء وفرح: احلفي كدا الأستاذ بهاء سلطان بنفسه طب هو فين
ملك: والله يا سعادة البيه كريم شانتيه كان بيغني طالعة في دماغي للستاذ بهاء سلطان بذات نفسيته
مالك : اخرسوا بقي لما نشوف ماله دا كمان
حازم في نفسه: انا كنت عملت إيه بس وبعدين ايه بذات نفسيته دي
مالك: ما تفوق بقي يا وليد أنت استحليتها وإلا ايه
ملك: خد يا سعادة البيه الحليوة فحل البصل دا فوقه بيه
مالك: اسكتني انتي دلوقتي وليد انت سامعني
وليد بخطرفة: عفريته عفريته واقفة في المطبخ بتطبخ بامية بالحمة
حازم: يا رااجل انت شوفت اللحمة بعينك ايش عرفك ما يمكن عامله فراخ
وليد بخطرفة: لا لحمة انا شامم رحيتها عفريته في مطبخنا وشعرها زي اريل التلفزيون عفريته بتظبط الدش
ملك: اخص عليك يا سعادة البيه كنافة بالمنجة بتغلط في تسريحة شعري دا حتي عملاها في أحسن صالون حلاقه فيكي يا بلد واخدين مني ميت جنيه
مالك: رش مايه على وليد وهو بيقول: قوم بقي يا اخي بقولك الخدامة الجديدة
وليد: عفريته عامله نفسها خدامة
مالك: يعني انت مش عاوز تقوم بص لملك وقالها شوفي شغلك
ملك همست جمب ودن وليد: يا سعادة البيه كنافة بالمنجة البامية بالحمة جاهزه هخدها لخواتي العفاريت أصلهم بيحبوها أوي وبعدين هجبهم ونيجي نحلي بيك بقي
وليد بهمس: حلي بيا ازي
ملك بضحك: متقلقش دا هو يادوب حته من الفـ*ـخده علي حته من الرأس وهناخد صرصور ودنك
وليد قام بفجع: لا كله إلا صرصور ودني
حازم بسخرية: يعني الفخـ*ـده عادي
مالك: كويس إنك فوقت برافوا عليكي يا جميلة ليكي عندي مكافأة
وليد بص لجميلة وصر*خ: انتي مين يا ست إنتي
ملك: خدامتك جميله يا سعادة البيه كنافة بالمنجة
وليد: مالك البني ادمة دي لازم تمشي من هنا
ملك زعقت فيه وقالت: ليه يخويا بقي انت تطول أصلا إني اشتغل عندكم وكملت بدرامة مهو انتوا كدا بتيجوا على اليتيم اللي ملوش حد
حازم يتعاطف معاها: انتي أبوكي ميت زينا يا جميلة
ملك: تف من بوقك حالا
حازم باندهاش نعم ؟!
ملك بحزم: بقولك تف واحولت بعنيها عشان تخو*فه
حازم: خاف منها وتف فعلًا
ملك: أيوه كدا وبصتلهم وكملت بدموع وهمية نزلت من ريحة البصله: أبويا عايش والحمد لله بس امي هي اللي ميـ*ـته وسيبالي تسع أخوات بجري عليهم وكلت حته من البصلة
مالك بتقزز: انتي بتعملي ايه بتاكلي بصل
ملك: مد اديها ليه وقالت: تاخد حته دا حتي حلو للمناعة
وليد: شوفي لو عملتي إيه هتمشي يعني هتمشي
ملك بصتله بشر وكانت راحة نحيته بس مالك مسكها من قفاها وهي بتشرشح لـ خالد وبتقول: انت مفكر نفسك مين يا سعادة البيه كنافة بالمنجة لا الكلمة الأولى والاخيره هنا لسعادة البيه الحليوة ولا انتوا عشان شبه القط الوردي هتدو*سوا على خلق الله اصحوا انتوا متعرفونيش
حازم بفضول: جملية
وليد: وكمان اسمك جميلة انتي اخرك سيد اشطا ونبقي كارمينك كمان
ملك لسه هترد عليه حازم سبقها وقال: مين القط كروز دا يا جميله لقب حد من بتوع المصارعه
ملك بصت لـ مالك وقالت: بعد اذنك بس يا سعادة البيه الحليوة سيب الجلابية عليها اقساط وانا بكسل اكويها انا هفهم سعادة البيه كريم شانتيه براحة خالص
مالك سابها والفصول برضوا هيموته عاوز يعرف مين دا
ملك حطت صوبعها في وش حازم وقالت: انت ازي متعرفش القط الوردي دا الراجل الحليوه اللي البنات كلها بتكراش عليه وانا من ضمنهم
حازم: اوعي تكوني قصدك على توم كروز
ملك: العالم الجهلة اللي زيك يا سعادة البيه كريم شانتيه هما اللي يقولوا عليه كدا إسمه القط الودي تدري ليش
مالك: ليش يختي
ملك: أنا هستفسرلك كل حاجه بص يا سعادة البيه الحليوة توم بعتي قط وكروز يعني كريز بس هما مدلعينها بقت كروز وانا ضفت الياء اجتهادا من عندي بقت القط الوردي دي ترجمتها
وليد بصد@مة: الله أكبر وكمان بترجم
ملك بفخر من نفسها: لا وبعرف كمان أتكلم تركي
وليد بسخرية: بجد طب ما تورينا كدا يا فنانه
ملك: مراد بيك لا تعمل فيني هيك
تركي دا وإلا مش تركي
وليد بعند: لا مش تركي
ملك: تركي ومتجادلش معايا عشان أنا بتجنن في الحته دي وبقلب جون سينا
وليد وقف وقال قدامها: مش تركي يا سيد يا قشطه هتتملي ايه
ملك: انا سيد قشطه وكمان مش تركي بقت تبص حوليها بجنان والكل مترقب بخوف هي هتعمل ايه فجأة وفي أقل من الثانية مسكت الشبشب وجريت ناحية وليد وهي بتقول: انت بتغلط في التركي بتاعي
خادمة قلبي ٤
ملك مسكت الشبشب وجريت ناحية وليد وهي بتقول: انت بتغلط في التركي بتاعي
وليد في ثواني جري من قدامها وقال: لا دا انتي مجنونة على الأخر
ملك بغيظ: اغلط اغلط عشان بدل ما يبقي شبشب واحد يبقي تلاته تعالالي يا اللي عامل نفسك فإن دام تعالالي
وليد دخل اوضه وقفل عليه وهو بيقول: برضوا مش تركي يا سيد قشطه
ملك بتخبط على الباب وبتقول: افتح يا سعادة البيه كنافة بالمنجة افتح هفهمك براحة مش هتهو"ر
وليد بصوت عالي: مشيها يا مالك وانا هتعدل والله انا عارف انك بتنتقم مننا
حازم أخيرًا استوعب اللي بيحصل ووقع على الأرض من كتر الضحك
حازم بصوت عالي: جتلك اللي هتطلعة عليك يا وليد جتلك اللي هتربيك من اول وجديد كنت قولت أنه تركي وخلاص لازم تعاند معاها
مالك كان كاتم ضحكته عشان هيبته وفي نفس الوقت فرحان باللي ملك بتعمله هو عاوز يعدل اخواتة ومفيش غيرها هيربيهم قرر أنه يسيبها تتعامل معاهم بس بعد ما يعمل فحص شامل عنها
ملك بصت عليهم لقت حازم على الأرض من كتر الضحك مسكت شبشبها وراحت ليه
ملك وهي بتقلب عنيها: تركي وإلا مش تركي يا سعادة البيه كريم شانتيه
حازم خاف من منظرها قام وقف وقال بصوت مهزوز: تركي والله العظيم تركي
ملك بتبريقة: انا إسمي ايه ؟
حازم: جميلة الجميلات
ملك: انت هتعاكسني كمان والبيه الحليوة واقف على اوضتك
حازم: نعم
ملك: يظهر مسمعتش وطت جابت فرده الشبشب التانية وقالت: على
قبل ما تكمل كلامها كان حازم دخل اوضه وقفل عليه وهو بيقول: سامحيني والله ما هعمل كدا تاني
ملك رمت الشبشب على الأرض ولبسته بصت لـ مالك وقالت: لا مؤاخذه يا سعادة البيه الحليوة لكن سعادة البيه كريم شانتيه وسعادة البيه كنافة بالمنجة محتاجين رباية من اول وجديد وانا هقوم بالمهمة دي انا راحة أكمل الغذا ومسكت البصلة وبقت تغني طالعة في دماغي نروق شوية أمسك شبشبي وأعجنلي حبه وكلت حته من البصلة وقالت: قطيعة محدش بياكلها بالساهل ودخلت المطبخ حطت اديها على بوقها تكتم صوتها من كتر الضحك اللي بتضحكه
