جارنا بقلم حسن الشرقاوى
انت في الصفحة 1 من صفحتين
لكل بنت أو ست ارجوووكي صووووني نفسك واوعي تغلطي غلطتي.....
الموضوع بدا بتعب جوزي في نص الليل وملقيتش حد الجأ ليه غير جارنا الي ساكن تحتنا مباشرة طلعت جري ناحية شقته وخبطت عليه ولما طلعلي قولتله الحقني جوزي تعب واغمى عليه فجأه ومش عارفه اتصرف قالي دقايق هادخل ألبس حاجه وبالفعل بعدها بشوية لقيته بيرن الجرس فتحتله فورا وخدنا جوزي ورحنا اقرب مستشفى الدكاترة طمنونا وقالوا لازم يفضل في الرعاية وممنوع حد يبات معاه جاري وإلى كان عايش لوحده وعازب قالي... يلا نرجع ونجيله الصبح بإذن الله
قالي.. تحبي اوصلك لفوق......
قلتله ....لا كتر خيرك وشكرته وقلتله اتفضل إنت روح إنت طول الليل معايا وتعبت
قال.. أنا تحت أمرك ولو فيه حاجه ابعتيلي هاجيلك فورا لكن بعد تحركي لبضع خطوات حسيت بدوخه جامده ولقيت نفسي بقع على السلم من التعب
جرى عليا وشالني وطلع بيا فوق للشقة عندي وبتعب شديد طلعت المفاتيح ادتهاله اخدها وفتح الباب ولما دخلني نزلني على كرسي في الصالون ودخل للمطبخ وعملي ميه بسكر وشربتها وهو ساندني عشان ما وقعش الكوباية حسيت ساعتها إحساس غريب وحنيه كنت محتاجاها اوي حسيت مشاعري بدات تتحرك مفقتش غير لما قالي ..بقيتي كويسه
وبتوتر قالي ..طب انا هنزل وهعدي عليكي الصبح عشان نروح اوديكي المستشفى لو ماعندكيش مانع
ومشى وسابني وانا بقيت حاسه بإحساس غريب جوايا وبيتملك مني
وقلت لنفسي عيب اللي بتفكري فيه دا إنتي ست متجوزه وجوزك كويس معاكي لكن ماقدرتش واستسلمت للأفكار دي
وبعد الليله دي اتغيرت حياتي تماما
تعالوا احكيلكم حكايتي قبل مايتم تنفيذ حكم الاعډام عليا بعد أسبوع من دلوقتي
أنا إسمي شهد على قدر عالي جدا من الجمال عندي ٢٥سنه
اتجوزت جواز صالونات لكنه كان شخص محترم وابن ناس
في بداية جوازنا كنا قاعدين في بيت العيله عنده
لحد ما أخوه الصغير اتجوز ومن هنا بدأت المشاكل
مشاكل السلايف
وبعد ما انقطعت الحلول لحياتنا مع بعض
وافق زوجي على رغبتي للخروج من بيت العيله
..... أنا مابقتش مستحمله أنا عااااوزه اطلع من هنا
.....نروح فييين بس ياشهد الدنيا صعبه واحنا قاعدين في ملكنا ومابندفعش جنيه
....ماااليش دعوه أجر شقه
....ماليش دعوه أتصرف
..... أعمل ايييييه بس......بقلم حسن الشرقاوي
وبعد ضغوطات كبيره مني
وافق
واستأجر ليا شقه في المدينه إلى إحنا تابعين ليها إحنا كنا من بلد أرياف
وفي المدينه ماحدش يعرف حد ودا
كان مصدر
