رواية الساحرة بقلم ميرفت السيد
بس يستاهلوا هدية تليق بيهم
: اوعي تتجنني ياسحر
خلينا في المهم فين الشغل الجديد والرحلات ايه الاخبار
: كل رحلة طلعت بميعادها ومعاهم مشرفين من عندنا وكله تمام ومفيش مشاكل ولاغيره وادي الشغل الجديد الملفات اهي ادرسيها دي قرية جديدة في دهب وصاحبها يبقى ابن عم بابا اسمه فارس وكلمته يتعاقد معانا ووافق بس هاينزل مصر كمان يومين ويقابلك وتمضوا العقد وليا عمولة ياماچيك
مسكت دماغي ومكنتش قادرة اركز في شغل غمضت عنيا وقررت انتقم منهم اتمنيت انهم يتخانقوا بمكان عام وتبقى قض-يحة وتريند
كملت شغلي وعملت شوية اتصالات وانشغلت وبعد ساعة أمنية بعتتلي عالفيس فيديو لكريم ومها بيتخانقوا ومها حدفته بالعصير في وشه وهو ضر-بها بالقلم وقل-ع الدبلة ورماها في وشها
لأ انا لازم الاقي حل لنفسي انا خايفة الموضوع يتطور وابدأ أستغل موهبتي بأذية الآخرين
خلصت شغلي وامنية قالتلي نتغدا برة قلتلها لا عاوزة اروح ارتاح
روحت البيت سلمت على ماما وفضلنا ندردش
شوية واتغدينا ودخلت اوضتي ارتاح
وسرحت وغفلت احساس مابين اليقظة والمنام
وشوفت زي حلم
واحدة ست لابسة ابيض وماسكة سبحة ووشها منور مريحة للاعصاب بس ملامحها من النور مش باينة
قالتلي تعالي متخافيش قربي
قربت منها صوتها كان هادي
قالتلي اوعي ياسحر تتخلي عن اصولك اوعي تأذي غيرك
انا جنبك ومن د-مك والي حباني الوهاب هو الي حباكي
انا مش فاهمة
:دوري على صلة الد-م هاتفهمي
متخافيش
الأم ياسهر
واختفت صحيت وانا مش فاهمة
هو في ايه وصلة دم ايه وأصولي وموهبتي
هو انا اتجننت ولا اتلبست
طلعت لقيت ماما بتقرا بالمصحف
شافتني صدقت وابتسمت وقالتلي مالك ياحبيبتي
وبدون وعي سألتها: ماما انا بنت مين
