قصة رائعة

هدي باحراج ...  جعانة والله يايوسف بيه حضرتك من الصبح مش سامح لحد يشرب lلمية حتي
يوسف بهدوء ... طيب قدامكوا نص ساعة تكلو اوتشربو فيها .. وفي المطبخ هتلاقوا تشكيلة ساندوتشات وكل اللي تحتاجوه .. ومعلش ياجماعة .. انتوا عارفين ان الوقت قدامنا ضيق
ركض الجميع علي الفور الي المطبخ من شدة جوعهم وعطشهم
وليد وقد انهي زجاجة المياة ... يالهوووووي علي العطش ياجدع صدق اللي قال الماء سر الحياة انا كنت ھمـ،وت  من العطش وخايف اقول اقوم اشرب
عز وهو ينتقى مايحبه من الساندوتشات ... ركزوا فى الاكل ومتضيعوش وقت ...يوسف دقيق في مواعيده جدا .... نص ساعة بالثانية وهينادي علينا
وليد ... لا وعلي ايه وسع كده ياعم انا ھمـ،وت  من الجوع
بسملة وهي تحضر العصير  ... انت ميٹ من كل حاجة اسمعوا .. اللي يعمل حاجة يعملها للكل عشان ننجز مثلا انا بعمل عصير اعمل للكل آية بتحضر سندوتشات تعمل للكل

انتهوا من اعداد طبق  لكل واحد منهم  فيه عدد من الساندوتشات وكوب من العصير وساد الصمت المكان كل مشغول بما فيه يديه
بعد انتهاء النص ساعة نادي يوسف عليهم اخذ كل واحد منهم الطبق الخاص به وجلس على مقعده يكمل طعامه
نظر لهم يوسف بأستغراب قائلا ... هو انتوا لسة مخلصتوش اكل
عز بسخرية .... قول لسة هنبدأ .. وبعدين متشغلش بالك بينا احنا هنسمعك واحنا بناكل
آية وهي تضع طبق امامه ... كل انت كمان وبعدين نكمل
يوسف  ... تمام انا كمان جعان .. كويس انك افتكرتينى
*
بعد الانتهاء من الطعام بدأوا في تنفيذ خطتهم وكانت البداية لوليد باتصاله بعبير بعد ان حدد له يوسف الميعاد الذى يتفق عليه معها للمقابلة
يوسف بهمس ... افتح مكبر الصوت