رواية شهد القاسم
-مريم رفعت كتافها بقلة وحيلة وبعدين بصت لشهد وصعبت عليها
- قاسم بص لشهد والشوكة قدام شفايفه وخاف ياكل من ايد ديدي وحس ان شهد بتبصله بغي،ـظ وهطلع عينيه
-شهد كانت مضايقة من الموقف وغيرانة علي قاسم واعترفت بينها وبين نفسها بده وعملت نفسها شرقانة وفضلت تكح جامد
-شهد فرحت اوي لما شافت خوفه و لهفته عليها واللي فرحها اكتر انه مكلش من ايد ديدي وبصت لقاسم وقالتله قاسم اقعد جمبي احسن اشرق تاني
-قاسم من جواه كان قلبه بيرقص من الفرحة واتاكد انها غيرانة عليه وقعد جمبها بس ديدي بصت لشهد بكره وشهد.طلعت لسانها ليها
-زينب بصتلها بحب وقالتلها ما احنا معاهم اهو يا شهد اقؤلك تعالي اعملك القهوة ودخليها انتي وغمزتلها ايه رأيك
- مريم قربت من شهد وغمزت لها وقالت لها هو الجميل غيران ولا ايه
-شهد بصت لمريم بكسوف وقالت لها انا لا خالص اغير ايه بس
-مريم مسكت وشها بايديها وقالت لها فيها ايه لما تغيري علي قاسم ده جوزك يا شهد يعني ملكك لوحدك و المفروض تحافظي عليه بس اقؤلك علي حاجة معني انك تغيري عليه يبقي بتحبيه
- زينب وهيا بتديها القهوة يلا يا شهد دخلي القهوة اهي
٦/٧
البارت السادس شهد القاسم
-قاسم رفع عينه وبص لديدي اللي بتقرب منه قام من مكانه ولسة هيتكلم
-قاسم شد ايدين ديدي من علي رقابته بسرعة وراح لشهد وقالها شهد والله مش زي ما انتي فاهمة صدقيني والله هيا اللي قربت مني
-شهد بصتله بحزن وقالتله اسفة اني دخلت من غير ما اخبط القهوة اهي وسابتها علي المكتب وجت تمشي قاسم مسكها من ايديها
و اضايق من تجاهلها رغم انه باين عليها الحزن وقالها برجاء برجاء
- شهد خليكي واثقة فيا اللي حصل هو اللي قولتهولك وفي باله ان كدة هيرجع تاني لنقطة الصفر وبدل ما يقرب منها هتبعد عنه اكتر
وتكرهه اكتر وكمل كلامه شهد انا مفيش حاجة بيني وبينها صدقيني
-ديدي وهيا متغاظة قالتله هو في ايه يا قاسم ما تقؤلها اننا كنا بنحب بعض زمان
-قاسم بصلها بغض.ب وقالها اخرررسي يا ديدي
-شهد بصت لديدي وقالتلها ربنا يسعدكو وسابتهم وخرجت
-قاسم قرب من ديدي وقالها انتي عملتي كدة ليه انطقي
-ديدي بخبث عملت نفسها بتعيط وقالتله عشان بحبك يا قاسم وبعدين انت ناسي اننا كنا بنحب بعض زمان ودلوقتي فرصة نرجع اللي فاتنا
-قاسم رد بغي،ـظ وقالها لا معلش يا ديدي هانم لازم تفهمي حاجة انا مكنتش بحبك انتي اللي كنتي رامية نفسك عليا وانا مدتكيش وش عشان كدة روحتي لحازم صاحبنا ماهو انتي كدة لما متلاقيش واحد عبرك تشوفي غيره لكن انا مفيش اي حاجة من ناحيتي ليكي ولا عمري وعدتك بحاجة ودلوقتي اسف مش هقدر اقبل قضيتك شوفيلك محامي تاني
-ديدي بتوتر لا خلاص يا قاسم ارجوك انا اسفة ولو عايزني اعتذر لبنت خالتك دي انا هعمل بس مترفضش القضية دي بليييز
-قاسم رد بلا مبالاه وقالها هنشوف الموضوع ده لو سمحتي دلوقتي امشي انتي وهبقي اكلمك نحدد معاد تاني
-ديدي خدت نفسها وقالتله تمام بيبي مفيش مشكلة وخدت شنطتها وقاتله باااي وسابته وخرجت
-قاسم قعد عالمكتب وفضل يفكر يفهم شهد ازاي ان اللي شافته مش زي ماهيا فاهمة وخبط عالمكتب بغض.ب من ديدي ولعنها في سره علي اللي عملته
في تاني يوم مريم دخلت الكلية وراحت علي الكافتريا وقعدت وفضلت تدور بعينها علي عز وكانت خايفة احسن ادم يجي ويتعرضلها واول ما شافت عز داخل عليها ابتسمت وحست انها مطمنة
