رواية خادمة الصقر رائعة جدا
عساف / انا كويس اوي.. انتوا عارفين مش انا اللي افضل حز*ين ومكسو*ر كتير، وبعدين راحت واحدة يجي مكانها الف.. المهم الواد ده.. مالك بقي مكشر ليه
كريم بحز*ن / معرفش عنها اي حاجة، سالت عنها في البنك قالولي انها واخدة اجازة، انا حقيقي مرعو*ب اخسرها ده انا ما صدقت لاقيتها
عساف / اممم حب وفرا*ق انا عارف الجو ده
خلاص اطمن انا هقلبلك الدنيا كلها عليها واسالك في المطار كمان ووعد مني هنلاقيها... اطمن بقي
جاسر بغلا*سة / صحيح يا عساف انت هتروح فرح يوسف ولا هتنفض
كريم بحد*ه / جاسر بطل استظرا*ف ورخا*مة
عساف بضحك/ سيبه.. سيب برطمان العسل اللي كان هيتحبـ*ـس النهاردة يتكلم
عموما اه هروح، انت ناسي ان يوسف ده صاحب عمرنا..و لا مش بس كدة ده انا وهو عيشنا في شقة واحدة وقت ما كنا بنخدم في الصعيد سوا
كريم / حقيقي يوسف ده اندل من الندالة نفسها وغبـ*ـي، فيه حد في الدنيا بعد ما بقي ضابط وليه وضعه يسيب كل حاجة كدة ويشتغل في البزنس
جاسر / يوسف ده بالذات انا عمري ما ارتاحت ليه
و قلبي بيقولي انه وراه مصايب
و فاجاة وهما بيتكلموا كريم تليفونه رن برغم غريب
كريم / الوو مين معايا.. ايه جابر
عساف وكريم بصوا لبعض بصد@مة.و عساف اخد التليفون من ايد كريم وفتح المايك.
جاسر / اسمع بقي.. لو فاكر اني مش هعرف اوصلك تبقي غلطان، انت مش عارف انا ممكن اعمل فيك ايه.
كريم بحد*ه / بقي انت كمان اللي مكلمني علشان تهدد*ني،واضح انك مستعجل اوي علي نهايتك يا جابر
جابر/ لا واضح ان انت اللي مش عارف بتكلم مين
اسمع يا كريم. العدا*وة اللي بيني وبينك بنتي مالهاش ذنب فيها، لو انت راجل حقيقي رجع بنتي وخد حقك مني انا
كريم ملامح وشه اتغيرت في ثانية والخوف والتوتر اتملكوا منه..
كريم بخو*ف / لا فهمني.. ياسمين فين ؟
جابر بعصـ*بية / انت هتستهبل.. انت اللي خاطـ*ـفها.
كريم بعصبـ*ـية اكبر قاطعه في الكلام / والله ما اعرف عنها حاجة.. ورحمة ابويا ما جيت جمبها
فين ياسمين يا جابر عملت فيها ايه... اقسم بربي لو كنت عملتلها حاجة ليكون الثار معاك بقي اتنين
دي هي الوحيدة اللي مصبراني علي مو*تك
جابر انطق فين ياسمين ؟
جابر بخو*ف / معقول مش معاك.. دي سايبة البيت بقالها اكتر من ٣ ايام ومش عارف اوصلها
كريم حاول تلاقيها وانا اوعدك اني هعو*ضك عن كل اللي حصل زمان..بس ابوس ايدك ساعدني ده انا ماليش غيرها
كريم بو*جع / تعوضني عن ايه.. عن سنين عشتها في فقر وانا ابويا كان من اغني رجال اعمال، لانك اخدت فلوسه من وراه وضحكت عليه، حتي بنتك الوحيده اديك اهوو ضيعتها من ايديك..
روح منك لله يا جابر
و حسبي الله ونعمة الوكيل فيك انت واللي زيك
و قفل عساف السكة في وش جابر
وكريم قعد علي السرير بتعـ*ـب وحط ايده علي وشه/ اعااا يابا، ليه كدة بس يا ياسمين
عساف / انا هعرف الاقيها.. بس تعالوا معايا يلا
قوم يا كريم متبقاش ضـ*ـعيف كدة، احنا هنلاقيها باذن الله
نزل عساف وكريم وجاسر يدوروا عليها في كل مكان
_____________________________________________
في بيت نغم.
نغم كانت راجعة البيت متاخر لانها كانت عند خالد في المستشفي وكانت بتتسحب خا*يفة وفاجاه لقت نور الصالة بيولع
نغم بصوت واطي / روحت في داهية.. ماما حبيبتي والله وماليكي عليا حلفان وحشتيني كدة برضو مختفية من اول اليوم
