قلبى المتيم بقلم فيروز عبدالله
انت في الصفحة 1 من 8 صفحات
الفصل الأول
_اجهزى يا ريم، جوزك زمانة على وصول..
حاضر يا حماتى.. هو عمى جهز ؟.
_آه نزل يدور العربية..، البسى دهبك واتشيكى، الولة مشاكفيش بقالة سنة..
حاضر..، جهزت بسرعة، وحطيت ميكب خفيف، ومنستش البس العقد الى جابهولى فى آخر عيد ميلاد حضرة معايا..
وصلنا المطار، حمايا جابلى عصير وكيكة، علشان السكة كانت طويلة.. اتسليت فيهم لحد ما طيارتة وصلت، كان قلبى بيدق بسرعة وأنا على وشك أعيش اللحظة الى مستنياها بقالى سنة.. لحظة ما ياخدنى فى ح.ضنة
عمالة أدور علية بعيونى وجنبى حمايا..، لحد ما عيونى وقعت علية، جريت علية وأنا بعيط
مردش عليا.. طلعت من حض.نة وأنا وشى العروق باينة فية من العي.اط..، لقيتة بيبص على واحدة أجنبية جنبنا بحيرة..
وهى كانت بصالة بنفس الحيرة.. عدلت نفسى وقولت: تعرفها ؟
بصلى بحزن وسكت.. بدأت اتوتر، سألت: مين دى يا عيسى ؟
لقيتها شبكت إيدها فى إيدة.. وبصتلى بخوف، ساعتها زعقت: ماتررد عليياا، ميين دى ؟!
أخيرا بان صوتة، قال بتوتر: دى تبقى مراتى يا ريم.. أنا اتجوزت عليكى !
*فى البيت*
صحيت على صوت زعيق.. كان عيسى بيكلم بحدة: طلاق مش مطلق.. هما الاتنين هيفضلوا على زمتى
حمايا بعصب.ية: أنت ليك عين تتكلم بعد العملة الهباب الى عملتها ؟!.. انت مبتحسش ؟!
هنا حماتى قالت: ما تهدى يا حج الله.. هو الواد عمل حاجة حرام ولا غلط، الواد راح اتجوز على سنة الله ورسولة.. وبعدين إبنى جدع ويقدر يفتح بيتين وتلاتة حمايا: مش القصد يا أم عيسى..، متبقاش البت مستحملة بعدة سنة وقاعدة بحبيبة بطولها وفى الاخر البية يبقى بيقضى شهر العسل هناك !
حماتى بكيد: هى هتقدر تعمل إية يعنى ؟!.. اعلى ما فخيلها تركبة..، أنا إبنى حر يعمل الى هو عايزة !
عيسى: ايوة يا بابا أنا حر.. وبعدين براحة على جاكلين شوية، دانت مرحبتش بيها حتى لما شوفتها .. دى طرية متستحملش، مش زى الى نايمة جوا !
