رواية نسيم العشق كاملة جميع الفصول بقلم يارا عبدالعزيز

جنة:- انت زعلت 

عيسى بضيق:- وانا هزعل من ايه المفروض طول الوقت اكون حاطط فى دماغي ان جوزنا مش حقيقي انا اسف تقدري تمشي

قربت من وشه بخجل شديد وحاوطت بأيدها رقبته سمعت صوت أنفاسه اللي بدأت تعلو اتكلم بهمس وحب 

عيسى:- جنة

طبعت قبـ"لة صغيرة على خده 

عيسى بصلها بصد@مة شديدة، وضربات قلبه بدأت تزيد بشدة 

بصتله بخجل شديد وتوتر من نظراته، وخرجت بسرعة البرق من الاوضة، ضحك عليها بحب وهو بيحط ايده على خده 

عيسى بهمس وحب:- بعشقك يا جنة

اللهم صلي وسلم وبارك على سيدنا محمد وعلى اله وصحبه اجمعين ♥️

حطيت ايديها على قلبها بخجل شديد، دخلت الحمام تغسل وشها

جنة:- ايه اللى انا عملته دا بجد انتي هبلة يجنة ما هو جوزك ايوا بس زمانه قال عليا ايه دلوقتي اصلا انا مش فاهمه عيسى خالص واحد مش مفهوم مش هحط فى دماغي وهركز على دراستي احسن بس انا ليه كنت حاسة بشعور مختلف اوي كدا معقول اكون بدأت أحبه لا لا لا عيسى ابن عمي مش اكتر وبعدين عيسى الجبالي اللى بنات العالم كلها بتجري وراه هيحبني انا اكيد لا بطلي تحلمي احلام اكبر منك يا ست جنة

فى عربية مصطفى وقف قبل الكلية بشوية

مصطفى بضيق:- انزلي يلا هنا مش عايز حد يشوفك وانتي خارجة من عربيتي

نور بحزن: هو انا كدا اتأخرت صح 

مصطفى وهو بيبص فى الساعة:- لسه المحاضرة فاضلها ربع ساعة وبعدين انتي اللي ديما متأخرة ساعة عبال ما نخلصي لبس

نور:- طب ممكن متزعقليش

مصطفى: انزلي يا نور

جت تنزل معرفتش تفك الحزام بصيت لمصطفى واتكلمت برقة وطفولة

:- مصطفى

مصطفى: هااا

نور:- مش عارفه افك الحزام ممكن تساعدني لو سمحت

مصطفى ببأبتسامة على طفولتها:- هتكبري امتى همـ"وت واعرف 

قرب منها وهو بيفك الحزام عيونهم اتقابلت فضلوا يبصوا لبعض فترة، مصطفى قرب من وشها بحب وطبع قبـ"لة على خدها وهو مش عارف يبعد عنها اما نور فغمضت عينيها بحب وهي مستشعرة قربه منها مصطفى كان فك الحزام بس مقدرش يبعد عنها

مصطفى بهمس:- ريحتك حلوة اوي يا نور

نور: شكرًا

دفـ"ن رأسه فى عنقها بعمق حاوطت بأيدها رقبته 

مصطفى بهمس وحب:- هو انا مش عارف ابعد عنك ليه 

نور: وهي بتحاوط بأيدها ظهره:- لو حد شافنا كدا هياخدونا على القسم على فكرة

مصطفى:- عادي انتي مراتي

نور:- مصطفى 

مصطفى:- امممم متتكلميش يا نور سبيني كدا شوية

نور:- بحبك

فضلوا كدا شوية لحد اما قاطعهم صوت المنبه من تلفوني نور بعد مصطفى بضيق 

مصطفى بضيق:- انتي ظبطه دلوقتي ليه

نور بخجل وهي بتظبط طرحتها:- كنت عامله غفوة عن اذنك 

خرجت من العربية اتنهد بضيق وهو بيـ"لعن نفسه على اللي عمله اتكلم بغضب 

:- هتفضل لحد امتى اناني مينفعش يمصطفى مينفعش

اتحرك بعربيته ناحية الكلية وهو موجه نظره عليها وهي ماشية

عيسى:- الو ايوا يا جدي

كامل:- ايوا يعيسى انت فين

عيسى: انا فى كلية جنة وحنين قاعد مع واحد صاحبي وبعدين هطلع على المصنع

كامل: تمام اول اما تخلص تعال البيت على طول عايزاك فى موضوع مهم

عيسى:- ليه فيه حاجه ولا ايه

كامل:- موضوع يخص الشغل وانت عارف جدك بيحب ينام بدري فتعال على طول 

عيسى: حاضر يا جدي

فى مدرج الفرقة التانية 

جنة كانت قاعدة وبتفكر فى عيسى وفى اللي حصل منها أو منه وبتبتسم قاطع تفكيرها نور اللي راحت عندها