هدية خطيبي

السلام عليكم.. انا مخطوبه من تمن شهور من يوم م اتخطبت وخطيبي كل م يجي هو ومامته ف موسم الاقيهم جايبين هدايا كتيره اوي بس كل م كنت بفتح الهدايا كنت بستغرب لأن الحاجه موضتها قديمه بطريقه مش طبيعيه وابتديت احس مره علي مره أن الهدايا.
دي مستعمله قبل كدا أو مركونه مثلا ف صراحه كنت بكدب نفسي لحد م جم ف العيد وجابولي بطانيه وطقم شربات.. البطانيه فعلا باين انها قديمه من كيستها والوانها وأشكالها وكذلك طقم الشربات انا مستغرباه خالص.. هو خطيبي مستواه مش عالي اوي بس مش معني كدا أن كل مره يجيبلي هدايا قديمه او الله اعلم منين المهم كلمت

ممتي وقولتلها لاني استغربت الموضوع لانه اتكرر كتير ف لقيتها بتقولي انا هكلمه قعدت اتحايل عليها متكلمهوش عشان مش عاوزه مشاكل لقيتها زعقتلي وقامت مسكت التليفون واتصلت عليه وقالتله

الهدايا اللي انتو جايبينها جميله ما شاء الله بس ساعات الوانها مش بتعجب العروسه ف لو كدا لو عوزت تجيبلها حاجه خدها معاك اهي تختار ف راح رد عليها وقالها علي فكره الحاجات دي من جهاز اختي الكبيره واحنا عشان ظروفي ف مكنتش بقدر اشتري هدايا حلوه ليها

ف كنت باخد حاجات من جهاز اختي.. مع العلم اخته دي عندها فوق ال 38 سنه يعني حاجاتها معظمها قديمه مش ع الموضه بتاعه الزمن بتاعنا دلوقتي.. المهم هو اتقمص وزعلان وانا مش عارفه اعمل ايه وف نفس الوقت انا زعلانه برضو أنه مش مقدرني وجايبلي حاجات قديمه م هو ممكن مكنش جاب خالص احسن بدل م يجيب حاجات قديمه وتتحسب عليا هدايا..