رواية التائهه جميع الفصول كامله بقلم غاده سعيد
انت في الصفحة 1 من 6 صفحات
رواية التائهه كامله للكاتبه غاده سعيد
النهاردة صحيت من النوم علي صوت ناس معرفهمش
_ ايه ده انا فين
_ انتي انكتبلك عمر جديد
_ ازاي
_ في ناس ولاد حلال جابوكي هنا من حاد@ثه فظيعه كنتي ميته إكلينكيا وربنا كتبلك عمر جديد..
_ حضرتك في غيبوبه من سنتين ومحدش لحد دلوقتي اتعرف عليكي
_ سنتين انا هنا من سنتين ازاي انا مين وفين اهلي
_ معندناش اي معلومه خالص حضرتك الي تقدري توصلي للمعلومات دي
_ انا مش فاكرة اي حاجه
ايه ده انا مين وانا هنا ليه انا حتي مش فاكرة اسمي طيب عندي كام سنه ياتري متجوزه ولا لا طيب عندي اولاد والحادثه دي اولادي كانو فين وحصلهم ايه فجأه الباب يخبط...
_ حضرتك انا سالي ممرضه هنا وكنت بتابع حالتك انا مبسوطه اوي اني شفتك وانتي فايقه...
_ سالي انا مين ومين جابني هنا
_ حد كان معايا فالحادثه
_ معنديش فكرة برضو
_ طيب انا هخرج من هنا امتي
_ لما يطمنو عليكي وانك بقيتي كويسه تقدري تخرجي..
دخل الدكتور...
_ لا انا كل ال عوزاه انا عايزه اعرف انا مين..
_ حضرتك تقدري تخرجي من هنا وممكن تعرفي بنفسك..
دوري علي اهلك واكيد هتلاقيهم..
_ مانا لو عندي اهل اكيد مش هيسبوني كل ده من غير ما يلاقوني..
_ جايز بيدورو عليكي ومش لاقينك
_ طيب حضرتك تعرف الحاد@ثه دي كانت فين بظبط
_ ايوة كانت علي الدائري عالطريق السريع حضرتك خبطي في عربيه كنتي ماشيه بسرعه جنونيه ادت ل حادث كبير ناس كتير م١تو فيه...
_ طيب لو سمحت اكتبلي علي خروج دلوقتي
_ انا شايف انك ترتاحي شويه
_ لا معلش انا كويسه
_ زي ماتحبي....
خرجت وانا خارجه قابلت سالي
_ انتي هتروحي فين دلوقتي
_ انا هروح اعرف انا مين..
_ طيب وهتنامي فالشارع
_ هعمل ايه منا لازم اعرف انا مين وجيت هنا ازاي
_ عالعموم دا رقمي وكلميني في اي وقت لو احتاجتي اي حاجه كلميني وخدي ال ١٠٠ جنيه دي اكيد هتحتاجي تركبي مواصلات..
_ لا معلش انا هحاول اتصرف
_ ياستي اعتبريها سلف واعتبريني اختك..
_ الحقيقه مش عارفه اقولك ايه..
اخدت الفلوس ومشيت سألت واحد كان ماشي اروح الطريق الدائري منين لو سمحت واداني العنوان وركبت ورحت يمكن اوصل لأي خيط يفكرني انا مين...
اول ما وصلت حسيت إحساس غريب انا فاكرة المكان ده حاسه اني كنت باجي هنا..
فجأه سمعت صوت عربيه بتفرمل جامد كانت هتدوِ@سني..
نزل منها واحد .
_ ايه الي موقفك فنص الشارع كده
_ لسه ببصلو...
لقيته است@غرب اوي ايه دا انتي مين....
_ انتي ايه الي موقفك في نص الشارع كده..
